اخترت لك عزيزي القارىء .. هلس الاسبوع

كل اسبوع كده ان شاء الله هكتب بعض ما جال في خاطري (حلوة جال في خاطري دي ) في هذا الاسبوع (ودي كمان حلوة ) يعني من تويتس او خواطر صغيرة او حتى (بصاق فكري ) على راي الدكتور احمد خالد توفيق ..

ما علينا اخش في المفيد بقى ...

4may  **بمناسبة عيد ميلاد مبارك اقوله في عهدك ياريس ادلعنا و من كتر ما ادلعنا 
مبقيتش قادر علينا وعملنا عليك ثورة و انت اللي جبته لنفسك .. 


**في عهدك ياريس ياسابق بقى فيه كلمني شكرا واشحنلي شكرا وادفعلي شكرا وسلفني شكرا و لهذا دلالة حضرتك .. يا مشحتنا كلنا

5may **احيانا احس بأني لاأحس فهل اذا كنت لاأحس يمكنني أن أحس بأنني لاأحس ام الذي لايحس لايستطيع ان يحس انه لايحس

**للناس بتوع معندوش كاريزما والشغل ده ... متحسسوش الناس ان عدم وجود الكاريزما عيب خلقي او ان الكاريزما دي شهادة مطلوبة للرئاسة او حاجة زي الاي سي دي ال وكده 

**الثورة اثبتت ان 90% من الفنانين في الوطن العربي بلهاء

**اسم مبارك مش لازم فعلا يترفع من كل حاجة فيه حاجات لازم تتسمى باسمه يعني ازمة مبارك للمياة   كارثة مبارك للدويقة   كارثة مبارك للعبارة  حوادث مبارك للقطارات ... كده يعني بلاش نكران جميل 

**المتظاهرين الامريكان ابتهاجا بقتل بن لادن مايفرقوش حاجة عن المتظاهرين ابتهاجابخطاب العزة والكرامة بتاع القذافي .. الغباوة في كل مكان

**فيه ناس شايفة ان بن لادن سبب الاسلاموفوبيا ومبتقولش ان امريكا سبب المسيحوفوبيا واسرائيل سبب اليهودوفوبيا , الكيل بمكيالين كما يجب أن يكون .

**معرفش اما واحد من اخوانا بتوع فصل الدين عن السياسة يمسكوا ف شيخ لو اتكلم في السياسة ويقولوله بتتكلم في السياسة ليه؟؟ .. طب هما بيتكلموا في الدين ليه ؟؟؟؟
8may **اللي واثق من ربنا مايخافش .. اللي واثق من ربنا يتفاءل .. وانا متفاءلة الحمد لله

**))قل يا أهل الكتاب تعالوا الى كلمة سواء بيننا وبينكم((
مينفعش تبقى كل الحكاية قعدات .. لازم خطط وطرق توعية للمشكلة .. اول خطوة على طريق الحل هي الاعتراف بالمشكلة بعد كده نفكر #copts #salafi**
9may **ياريت نبطل نحمل المشكلة على اي جهة عشان الامور متتعقدش زيادةكل الاطراف غلطانة ولازم نعترف بكده عشان نعرف نحل

**اول خطوة نهدا تاني خطوة نعقل تالت خطوة نشتغل و الخطوة المستمرة ثقة وتفاؤل .. هو ده الحل

**كتر التحميل على طرف واحد هو اللي بيشعلل الفتنة الطائفية حطوا الامور في سياقها .. بلاش تحميل عالسلفيين او غيرهم .. كلوا غلطان

10may**انا حاسة من كتر ما الشرطة نامت .. اما ظابط يضرب مواطن بالقلم هيقوله .. الحمد لله انك رجعت تضربني تاني

12may **وصلتني رسالة بتقول انه لو اتبعتلك ايميل فيه صور قتل بن لادن متفتحوش لان فيه فيروس بيكسر و بيدمر الكمبيوتر ولا تستطيع اصلاحه  !!! حسيت ان احنا عايزين نعمل ثورة عالغباوة

**حكمة اليوم وكل يوم .. ((من كان يؤمن بالله واليوم الآخر فليقل خيرا أو ليصمت ))

**الناس اللي بتقول على اللي بيلبسوا جلابيات من الرجالة والستات اللي بتلبس عبايات ان الزي ده مش زينا وانتوا فكر وهابي و الكلام ده ..
هو البنطلون والبنتكور والبادي والشيميز والكلام ده ايه ؟؟ زي فرعوني قديم مثلا ؟؟؟؟

**عيبنا الكبير ان محدش بيبص لنفسه ولا بيغلطها ..

و صباح الفل