من كام يوم كده .. افتكرت اغنية طراطير بتاعت محمود العسيلي ...
اما سمعتها من جديد حسيت ان كلماتها كلها مناسبة اوي لحالنا قبل وبعد الثورة وبقيت عماله احلل ف كل جمله فينا واظبطها على حدث جديد
بداية من اسمها .. طراطير . اما الناس سمعت الاسم قالتلك دي اغنية فرفشة و الكلام ده و من الواضح انهم مخدوش بالهم من كلامها
فبقت الاغنية دي بتشتغل ف اعياد الميلاد لمجرد ان اسمها طراطير و الطرطور بيتلبس في اعياد الميلاد ويعني وكده وبتاع
اما كنت بسمع الاغنية دي شغالة في عيد ميلاد والناس مزقططة بيها ... حسيت فعلا بالطراطير
اما بسمع الاغنية دي كل مرة بحللها بطريقتي
خد دي :: (كلمة توديهم وكلمة تجيبهم .. عايشين كأن الحال عاجبهم .. طول ما فيه حاجة مالية جيبهم .. يا ترى .. داللي جايبنا لورا )
الكلمة دي مناسبة لحزب الكنبة .. اي كلمة تتقال هم معاها منغير عقل ولا تفكير ولا اي حاجة
بيقولك اقف عشان الاستقرار .. على اساس ان اللي كان ايام مبارك ده استقرار, بس ان جيتوا للحق كان استقرار لاحوال الحرامية الكبار .. بيسرقونا باستقرار واحنا عارفين ومستقرين و بنردد مقولة : هو اللي مأكلنا هو .... هو اللي ملبسنا هو
ببساطة حزب الكنبة ولا يهمه تقوله ملف مياه النيل ولا مياه الفيل
لانه كل اللي في دماغه ان فيه مية في الحنفية لسه وازايز المية الساقعه مالية التلاجة
فكده الدنيا ماشية .. يعني ببساطة عايش اللحظة .. عايش بمبدأ (عيشني النهاردة وموتني بكرة ) بس خليني مستقر ينوبك ثواب .. احسن انا مش حمل ثورة
ثورة ايه اللي المطاعم فيها تقفل و منعرفش نخرج نتفسح و نقعد مخنوقين في البيت ... ايه ياخوانا ده ماحنا كنا عايشين وحلوين و مبارك هو اللي مفسحنا هو .... تيك ات اييييييييييييييزي
طب والبطالة و الفقر ؟؟؟ مالها البطالة هم مين اللي قالهم ميشتغلوش والله ده شباب بيدلع اساسا ماهو فيه فرص عمل قد كده بتوفرها الحكومة (الحقيقة انا كنت بقول كده قبل ماعرف طبيعة فرص العمل وبرضه نوع من التصبير لانه كان امر واقع ) هما اللي عايزين الفلوس ع الجاهز منغير ما يشتغلوا .. ورغم كده وماله .. ربنا يرزقهم (دول الفقرا والعواطلية )
طب والمية والخضار والقمح و اللحمة والفراخ وكل حاجة اللي فيها مشاكل ؟؟ ماحنا طول عمرنا بناكل ومجرالناش حاجة .. الااااه
الان وبعد كل الرغي ده يؤسفني ان اقول ... ايوة هو ده اللي جايبنا لورا .. ولو فضلنا كده هنروح ورا زيادة .. نداء لحزب الكنبة .. اتعدلوا لو سمحتوا
طبعا ده طلعته من جملة واحدة .. معرفش انتوا ايه ذنبكوا احلل الاغنية كلها عشان كده هحتفظ بتحليلي لنفسي واكتفي بهذا القدر و اشوف انتوا هتحللوها ازاي ....
اسمعوا طراطير بقى
اما سمعتها من جديد حسيت ان كلماتها كلها مناسبة اوي لحالنا قبل وبعد الثورة وبقيت عماله احلل ف كل جمله فينا واظبطها على حدث جديد
بداية من اسمها .. طراطير . اما الناس سمعت الاسم قالتلك دي اغنية فرفشة و الكلام ده و من الواضح انهم مخدوش بالهم من كلامها
فبقت الاغنية دي بتشتغل ف اعياد الميلاد لمجرد ان اسمها طراطير و الطرطور بيتلبس في اعياد الميلاد ويعني وكده وبتاع
اما كنت بسمع الاغنية دي شغالة في عيد ميلاد والناس مزقططة بيها ... حسيت فعلا بالطراطير
اما بسمع الاغنية دي كل مرة بحللها بطريقتي
خد دي :: (كلمة توديهم وكلمة تجيبهم .. عايشين كأن الحال عاجبهم .. طول ما فيه حاجة مالية جيبهم .. يا ترى .. داللي جايبنا لورا )
الكلمة دي مناسبة لحزب الكنبة .. اي كلمة تتقال هم معاها منغير عقل ولا تفكير ولا اي حاجة
بيقولك اقف عشان الاستقرار .. على اساس ان اللي كان ايام مبارك ده استقرار, بس ان جيتوا للحق كان استقرار لاحوال الحرامية الكبار .. بيسرقونا باستقرار واحنا عارفين ومستقرين و بنردد مقولة : هو اللي مأكلنا هو .... هو اللي ملبسنا هو
ببساطة حزب الكنبة ولا يهمه تقوله ملف مياه النيل ولا مياه الفيل
لانه كل اللي في دماغه ان فيه مية في الحنفية لسه وازايز المية الساقعه مالية التلاجة
فكده الدنيا ماشية .. يعني ببساطة عايش اللحظة .. عايش بمبدأ (عيشني النهاردة وموتني بكرة ) بس خليني مستقر ينوبك ثواب .. احسن انا مش حمل ثورة
ثورة ايه اللي المطاعم فيها تقفل و منعرفش نخرج نتفسح و نقعد مخنوقين في البيت ... ايه ياخوانا ده ماحنا كنا عايشين وحلوين و مبارك هو اللي مفسحنا هو .... تيك ات اييييييييييييييزي
طب والبطالة و الفقر ؟؟؟ مالها البطالة هم مين اللي قالهم ميشتغلوش والله ده شباب بيدلع اساسا ماهو فيه فرص عمل قد كده بتوفرها الحكومة (الحقيقة انا كنت بقول كده قبل ماعرف طبيعة فرص العمل وبرضه نوع من التصبير لانه كان امر واقع ) هما اللي عايزين الفلوس ع الجاهز منغير ما يشتغلوا .. ورغم كده وماله .. ربنا يرزقهم (دول الفقرا والعواطلية )
طب والمية والخضار والقمح و اللحمة والفراخ وكل حاجة اللي فيها مشاكل ؟؟ ماحنا طول عمرنا بناكل ومجرالناش حاجة .. الااااه
الان وبعد كل الرغي ده يؤسفني ان اقول ... ايوة هو ده اللي جايبنا لورا .. ولو فضلنا كده هنروح ورا زيادة .. نداء لحزب الكنبة .. اتعدلوا لو سمحتوا
طبعا ده طلعته من جملة واحدة .. معرفش انتوا ايه ذنبكوا احلل الاغنية كلها عشان كده هحتفظ بتحليلي لنفسي واكتفي بهذا القدر و اشوف انتوا هتحللوها ازاي ....
اسمعوا طراطير بقى
RSS Feed