طب وبعدين؟؟

بسم الله الرحمن الرحيم
طب وبعدين؟؟
ايوة .. طب وبعدين ؟؟؟
انت مش شايف ولا ايه؟؟
انتي مش واخدة بالك؟؟
احنا في ثورة مش كده؟؟ طب هي الثورة دي ايه؟؟
هتافات و محاسبات وخلاص خلصنا ؟؟ لااا ابسلوتلي .. الثورة دي عشان نقول عليها ثورة لازم تبقى في كل حاجة
عدا 100 يوم على الثورة .. للاسف اغلبنا شاغلين نفسنا بالمحاسبات
انا معاكم احنا لازم نحاسب لازم نطلب تطهير كل مكان في مصر
بس مينفعش طول الوقت نطالب احنا لازم نعمل
مش هقعد اخوفكوا واقولكوا البلد بتضييييييييييييييع و انتوا اللي ضيعتووونا والكلام ده ..
بس احنا لازم ناخد بالنا من تصرفاتنا
الثورة من كتر ماهي حلوة اعداءها عايزين حاجة وحشة تطلع فيها
اوعوا تدوهم فرصة
اوعى تكون قاعد في بيتك و نايم وفاتح الكمبيوتر كمان الا وانت عامل حاجة قبلها .. اي حاجة
اشتغل ...ذاكر .. ساعد حد .. اتصرف اعمل حاجة
بلاش تقعد كده .. اشتغل الصبح وتعالى اتكلم بالليل براحتك
اقولك .. لو لقيت بياع بيغلي .. بلغ عنه .. ايوة بلغ عنه او بيبيع في السوق السودا او بيذل الناس
هو ده بقى اللي لو لقيته سلمه للجيش
و
بلاش تخلي كل شغلانتك انك تحس بالمؤامرة وان فيه ناس هتضيع الثورة ..
سيبها على الله ربنا مع الثورة دي من اولها ان شاء الله لحد ما توصل بر الامان وحتى بعدها هيفضل معاها
احنا بس نهدا ونبطل خوف و نبطل تخوين ونشتغل بجد
عايزين على بداية سيزون الصيف نبقى قدمنا لمصر احلى حاجة ..
بمناسبة الموسم يعني